Roxas City, Capiz- Madamo sang depekto ang pag-obra sa bag-o nga meat and poultry section sang Teodoro Arcenas Trade Center.
Ini ang ginpahayag ni City Councilor Atty.Powell del Rosario matapos personal nga nagbisita sa amo nga merkado kaupod si City Councilor Jon Sumcad.
Suno pa diri nga indi gid lamang ang kagin-ot ang problema apang nagkalatuk-al man ang tiles nga nagaserbe nga lamesa wala labot nga guba man ang roll up doors.
Samtang suno sa mga meat vendors, apektado ang ila baligya nga karne bangod direkta nga naga-igo sa karne ang silak sang adlaw halin sa mainit nga atop.
Nagapati naman si del Rosario nga pamatian sang pamunoan ni Mayor Alan Celino ang ginahingyo sang mga market vendors nga solusyonan sa mas madali nga panahon ang mga nakita nga depekto sa bag-o nga meat and poultry section sa TATC.
