Deployment sang medical team para sa selebrasyon sang T`nalak Festival nahan-ay na.

19

Nahan-ay na ang deployment sang medical team para sa selebrasyon 20th T`nalak Festival suno kay Romeo Fontanilla, Health Emergency Management Staff sang Provincial Health Office sang South Cotabato.
Suno kay Fontanilla magaugment ang medical team sang rural health unit sang Polomolok, Koronadal City, Tantangan, Surallah, T`boli kag Norala.
Ideploy naman ang mga ini suno pa sa mga nagkakalain-lain nga T`nalak event venues partikular na sa opening kag anniversary program, motocross competition kag iban pa.
Ginkumpirmar niya man nga may koordinasyon sila sa SAR team sang Provincial Disaster Risk Reduction and Management Council.
Magaugment man suno kay Fontanilla sa ila ang Philippine Red Cross South Cotabato Chapter nga kon may respondiran umpisa alas 12 sang tungang gab-i sila na ang magrespondir.
Ginapangabay naman niya sa mga may balatian nga magsaksi sa mga aktibidad sa selebrasyon sang T`nalak Festival nga indi pagkalimtan nga mag-inom sang maintenance kag sa mga participants sa parada subong man street dancing nga magkaon gid.
Nahibaluan nga magaumpisa ang mga aktibidad sa selebrasyon sang 20th T`nalak Festival sa Hulyo 12 tubtob 18 subong nga tuig.

Facebook Comments

From Advertisers