South Cotabato – Hustisya gihapon ang singgit sa mga kabanay sa gipatayng kanhing deputy chief of police sa Polomolok-Philippine National Police (PNP), nga si Police Senior Inspector Hernan Gabat.
Kini ang gibutyag sa mga kabanay sa napatayng pulis human kagahapong adlawa gihatod na sa lubnganan ang naasoyng pulis. Sa pamahayag sa asawa sa napatayng pulis nga si Luz Gabat nga nanganti kining dili madala sa limut ang nahimong kamatayon sa iyahang bana, nga namatay sa nangalan sa serbisyo publiko.
Kahibaluan nga mag usa na ka bulan human ang nahitabong strafing sa usa ka kan-anan sa may Polomolok kung asa usa nga napatay ang maong opisyal sa Polomolok PNP.
Una nang gikumperma ni South Cotabato Police Provincial Director S/Supt. Franklin Alvero, nga may mga gunit na silang mga pangalan sa posibling may kasayuran sa kamatayon sa maong opisyal. Una usab nga gihingusgan sa PNP nga ang pagpatay kang PSI Gabat ang may kalabautan sa iyahang kampanya kontra iligal nga droga.
