RMN Laoag – Naragsakan dagiti kameng ti Sangguniang Panlalawigan (SP) ti decision ni Judge Francisco Quilala iti RTC Branch 14 iti Marcos Hall of Justice a nangibagaan na nga awan ti inaramidda a panang abusar ti naikawes a bilegda a nangreview iti gakat ti Sanguniang Panlungsod iti Laoag a nakaipalaunan ti pannakaited ti frankesa kenni Mr. Bong Taylan a mangoperate iti pagpapallutan iti syudad ti Laoag.
Kuna ni Bocal Da Vinci Crisostomo, Chairman ti commission on laws a babaen iti panangirepresentar ni Bocal Toto Lazo ti SP ket inbasura ti husgado iti naminduan a daras.
Para kenni Crisostomo ket nalawag ti panangiyisplikar ni Judge Quilala nga awan ti inaramid ti SP nga “ultra vires” wenno awanan iti puder a nang-disapprove ti ‘franchise ordinance’ iti Laoag.
Nupay kasta, mabalin pay ni konsehal Roger John Farinas ti mangidanon daytoy iti Court of Appeals (CA) no adda pay ti nabati nga argumento na nupay iti panagkita ni Bocal Da Vinci Crisostomo ket awanen.
Innayun pay ni Crisostomo nga adda ti kalintegan ti SP a nangideklara nga ‘invalid’ ti Franchise Ordinance iti syudad ti Laoag.
Bernard Ver, RMN News
