Guihulngan City, Negros Oriental – Anum ka mga katapo sang Philippine National Police kag isa ka sibilyan ang napatay samtang tatlo naman ang samaron sa natabo nga ambush sa Barangay Sitio Mandi-e, Barangay Magsaysay, Guihulngan, Negros Oriental las 9:45 kaina sang aga.
Isa sa mga napatay mismo ang hepe sang Guihulngan City Police Station nga si PSupt. Arnel Arpon.
Ari ang kompleto nga listahan nga ginrelease sang Police Regional Office 18 (PRO-18):
1. Supt. Arnel Arpon – Chief of Police,
2. PO2 Alfredo Dunque,
3. PO2 Alvin Bulandres, 4. PO3 Teovic Agusto, 5. SPO2 Nicasio Tabilon, 6. SPO1 Jesael Ancheta.
Ang ikapito nga napatay ang sibilyan nga si Michael Jambalos, ang driver sang back-up bodyguard ni city councilor Edison dela Rita nga una gin-ambush sang mga rebelde.
Ang tatlo nga pilason nga ara karon sa isa ka ospital sa Dumaguete City amu sanday:
1. P03 Jordan Balderas 2. SPO2 Jury Maribao 3. SPO4 Jerome Delara – Driver of police patrol vehicle (former Special Action Force)
Dugang pa, nga nagresponde ang mga kapulisan sa tawag gikan kay Councilor Edison dela Rita nga gin-ambush sila sang mga armado nga tawo samtang nagasakay sila sa motorsiklo upod ang iya driver kag back-up.
Sila ang pabalik na kon tani sa Poblacion halin sa Barangay Balogo.
Si Councilor Dela Rita ang makatatlo na ka beses nga gin-ambush kag naka-survive.
Ginapatihan nga mga 50 ka ga katapo sang New People’s Army ang nag-ambush. Halin pa sang bulan sang Mayo may mga reported armed men na nga nagalibot-libot sa amu nga lugar.
Una man nga nagguwa sa intelligence report nga target sang rebelde grupo nga sudlon ang Guihulngan Police Station.
Tags: Visayas, Guihulngan Ambush. Ambush, PRO18, police, pulis, Arpon
