BACOLOD CITY – Nabiktima sang peke nga papel nga kwarta ukon peso bill ang isa ka manug-balot pasado las 11 kagab-i sa area sang corner Araneta kag Luzuriaga Street, Bacolod City.
Nagpadulong sa Police Station 1 si Marilyn Algones, 40 anyos ang edad, pumuluyo sang Purok Kabuhi, Brgy. 10, Bacolod City agud magpa record nga ang ginbayad sa iya nga kwarta sang customer ang peke.
Suno kay Marilyn nga nagbakal sa iya ang isa ka customer sang napulo gid tanan ka balot nga nagabalor 200 pesos.
Ini siya ang ginbayaran sang bilog nga 1,000 peso bill kag ulihi na niya natalupangdan nga peke gali ang kwarta.
Ginpahayag ni Marilyn nga iya pa ginlagas ang customer apang dali dali ini nga nagdalagan pakadto sa iya salakyan.
Ang nahawiran gid lamang nga identity ni Marilyn suno sa iya amo ang ginsakyan sini nga isa ka puti nga multicab nga may plate number YEP 584.
Sa karon ginahibalo pa sang utoridad kon bala ginhungod bakal ang peke nga kwarta ukon wala man nakahibalo ang customer nga peke gali ang iya kwarta nga nabayad./ Rico Santotome photo
