Diin dapat ibutang ang mga campaign materials?

6

Ginapahanumdom sang Commission on Elections (COMELEC) ang mga kandidato sa Barangay kag Sangguniang Kabataan elections nga magsunod sa mga guidelines sa paggamit sang campaign materials sa pagsugod sang kampanya subong nga adlaw.

Sandig sa COMELEC resolution, ginadumili-an ang pagsab-it ukon pagbutang sang mga campaign ads ukon materials sa mga puno sang kahoy, light posts, electrical wires, eskwelahan, waiting sheds, sidewalks, traffic signs, mga tulay, barangay halls, health centers, public shrines, public transport terminals, airports kag seaports,

Bawal man butangan sang election materials ang government patrol cars, ambulansiya, trains at sa mga terminal stations, mga overpass kag underpass, center islands kag public announcement boards.

Suno sa COMELEC, posible nga mapreso ang kandidato nga magalapas sa sini nga mga pagsulundan sang isa tubtob anum ka tuig, diskuwalipikasyon sa pagpungko sa public office kag iban pa.

Kun sin-o man ang nakakita sang sini nga mga paglapas ang pwede maka-report sa mga police stations kag sa COMELEC.

GIna-ayu man nila ang mga kandidato kag supporters nga gamiton ang gintalana nga common poster areas sa pagbutang sang mga campaign materials. – RCSG/iFM Bacolod

Facebook Comments