Gindesignar bilang caretaker sang banwa sang Magpet sa probinsya sang North Cotabato si DILG XII Regional Director Josephine Cabrido-Leysa, tungod nakaquarantine ang tanan nga opisyal sang banwa, matapos nga may close contacts ang mga ini sa duha ka mga COVID-19 positive LGU officials.
Ang nasambit nga tikang ang base sa kamanduan ni DILG Secretary Eduardo M. Ano sang Hunyo 15, 2021 nga pagbutang kay RD Leysa bilang “caretaker sang LGU Magpet tubtob nga makatapos sang ila nga quarantine ang mga opisyal sang banwa.
Obligasyon ni RD Leysa bilang caretaker sang LGU Magpet nga siguraduhon ang pagdul-ong sang nagapanguna nga serbisyo kag pag-aproba sa disbursements nga ginalakipan sang administrative expenses, kapareho sang payrolls, balayran sa suga, tubig, telepono kag iban pa.
Ginhatagan punto ni Director Leysa nga ang sitwasyon sa Magpet ang nakabase sa DILG MC No. 2019-21 entitled “Operational Guidelines and Rules in Implementing Administrative Order no. 15, series of 2018.”
Pahayag man ni RD Leysa nga nagdala sya sang team halin sa Regional Office agud masiguro nga matungdan ang obligasyon bilang caretaker sang banwa nga gilayon naman nga nagpadulong sa Magpet matapos nga nabaton ang mando sang DILG Secretary.
Gilayon naman sini nga ginmeeting ang mga department heads sang LGU agud talakayon ang mga butang nga kinahanglan nga aksyon.
