Pormal na nga giturn-over ni Department of Interior and Local Government kon DILG 12 Regional Director Josephine Leysa, CESO III sa Local Government Unit sa Tantangan ang P20 million nga kantidad sa Tantangan Public Market Building.
Sa mensahe ni Mayor Benjamin Figueroa sa turn-over ceremony gipasalamatan niini si DILG Regional Director Leysa sa pagpaningkamot nga mapondohan ang maong proyekto.
Nagtuo usab si Mayor Figueroa nga ang matag proyekto ang gikonsiderang usa ka “legacy” nga dapat matud pa pasalamatan sa komunidad.
Anaa usab sa maong aktibidad si Vice Mayor Timee Joy Torres- Gonzales ug Assistant District Engineer Benedicto Amido sa DPWH 2nd District Office.
Nasayran nga ang DPWH South Cotabato 2nd District Engineering Office ang implementing agency sa maong proyekto nga gisugdan niadtong Abril 28 ug nahuman niadtong Oktubre 30 sa nakalabayng tuig.
Sa ground floor sa merkado publiko sa lungsod makit-an ang isdaan ug karnehan, samtang sa 2nd floor parentahan ang espasyo.
Gilauman nga anaa sa 43,425 ka mga residente ang makabenepisyo sa maong proyekto.
credit DILG 12
