Maga-sugod subong nga adlaw ang validation sang DILG-Region 6 sa pagpanguna sang mga personnel gikan sa DILG-Iloilo angot sa gin-submit nga report sang syudad sang Bacolod sa clearing operations.
Suno kay executive assistant – incharge for barangay affairs – Butch Soliguen nga duha ka adlaw nga maga-libot ang DILG sa Bacolod agud i-validate ang gin-submit nga data sang mga barangay.
Apang, wala naman sang ideya si Soliguen kon mangin random/surprise ang patigayunon nga inspection sang DILG sa diin wala man ini nakahibalo kon ano ang barangay nga unahon kadtu-an sang validating team.
Nahibalu-an nga kapin sa 29 ka mga barangay ang nag-submit sang report nga 100 percent na nila nga na-ubos pang-kakas ang mga obstruction kag ilegal structures sa ila lugar.
Lakip sa mga nag-submit sang report nga 100 percent ang Barangays: 2, 8,9,10,11,12,14,15, 17, 18, 20,22, 23, 24, 26, 27, 28, 30, 31, 37, Barangay Alangilan, Felisa, Granada, Mandalagan, Montevista, Pahanocoy, Pta. Taytay, Villamonte kag Barangay Vista Alegre.
Samtang, ang wala nakalab-ot sa 100 percent amo ang Barangays: 1, 3, 4, 5, 6, 7, 13, 16, 19, 21, 25, 29, 32, 33, 34, 35, 36, 38, 39, 40, Barangay Alijis, Banago, Bata, Cabug, Estefania, Handumanan, Mansilingan, Singcang, Sum-ag, Taculing kag Barangay Tangub.
WALA naman sang may gin-submit nga report ang Barangay 41 bangud nga daku nga bahin sang ila barangay ang private property na ukon sakup na sang MegaWorld.
Suno kay Bacolod Mayor Bing Leonardia nga kapin sa 11, 799 ang illegal structures sa kabilugan nga syudad sa diin kapin sa 11,099 na diri ang na-demolish.
Ginatugyan naman sang alkalde sa City Legal Office ang mga obstruction nga gin-contest sang tag-iya nga mga private property.
