General Santos City— Nagpagawas na ug memoramdum ang Department of Interior and Local Government aron sa pagpahigayon ug election alang sa association of barangay captain.
Sumala kang Kagawad Edmar Yumang nga duha na katuig nga bakante ang posisyon sa ABC sa hawanan sa konseho gumikan sa managlahing isyu. Basi sa memorandum, gikinahanglan nga magpahigayon ug eleksyon ang liga sa mga barangay ayha ang Nobyembre 30 ning kasamtangang tuig.
Dugang pamahayag ni Kagawad Yumang nga dili sakop sa hold over capacity ang ABC gumikan dili man kini public office. Usa lang matud pa kini ka asosayon sa mga kapitan sa barangay ug dili kini sama sa posisyon sa mga opisyal sa barangay nga mamahimong maapektuhan sa nagpadayong martial law sa Mindanao.
Facebook Comments
