Davao City – Giklaro karon sa Department of Interior and Local Government (DILG-XI) nga pasakahan gayud og kaso kadtong mga mayor sa usa ka lugar nga mag tolerate sa giingong ‘secret payout’ sa mga investment schemes.
Sa interbyu sa DXDC RMN Davao kang Alex Roldan, Regional Director sa DILG-XI, gisaysay niini nga sayud na ang mga alkalde sa dili pag-isyu og business permit sa maong mga investment schemes ug obligasyon niini ang pag monitor kung padayon ba ang operasyon sa nahisgutan taliwala sa pagpaundang niini.
“Ang mga mayor klaro naman, giingnan na nga dili mag-isyu og business permit pero kung mulapas sa gihapon sila niana, muhatagan gihapon sila og business permit and yet makita nila nga lahi ang gi-operate kaysa gihatag nga business permit, ilaha na nga obligasyon, mamahimong pasakahan og kaso ang mayor diha tungod sa pagpasagad,” saysay ni Roldan.
Una nang gimando sa DILG-National nga i-revoke ang tanang mga business permits ug licenses sa mga investment schemes sa matag lokalidad.
RadyoMaN Kirby Manzon
