General Santos City–Luyo paman sa paghikog sa suspek sa brutal nga pagpatay ug paglugos sa 9 anyos nga biktima, nga taga Barangay Poblacion Tboli, South Cotabato, gibutyag sa pamilya sa nahisgutan nga dili higayon kini igo isip kabayaran sa gihimo niini sa ilang anak.
Kahinumduman nga una nang naghikog ang suspek nga si Sonny Kagalingan sulod mismo sa silda sa Tboli PNP niadtong Domingo sa kaadlawon gamit ang tie box nga iyang gihikot sa iyang liog nga hinungdan sa iyang kamatayon.
Sumala sa pamilya sa biktimanga buot gyud unta nilang makit-an nga nagping-it gyud sa tumang pag-antos ang nahisgutang suspek human sa brutal nga pagpatay niini.
Una nang gideklarang case close na sa Tboli PNP ang kaso sa 9 anyos nga biktima human nga nagpakamatay ang suspetsado sa krimen.
