Q: Unsa ba ang tambal o dapat buhaton aron kita makatulog og dali?
Ang insomnia mao ang mga tao nga nakasinati og paglisud og tulog sa gabie.
Una sa tanan, kinahanglan nimo mahibal’an kung unsa ang hinungdan nganong ang tao usahay maglisud og tulog sa gabie.
Dala ba kini sa stress sa trabaho?
Tungod sa ba karelasyon?
Pag gamit ba o pag hunong sa pag inom og ilimnon o sigarilyo?.
Bago ka magsugod og inom sa mga tambal nga gihatag sa doctor, pwede usa nimo sulayan ang mga tambal nga pwede ra nimo mabuhat aron makatulog ka inig ka gabii.
1. Likayi ang pag inom og kape, tsaa o uban pang ilimnon nga dunay “caffeine” pag hapon na o gabii. Likayi usab ang pagsigarilyo dayun matulog.
2. Dili pod makatabang ang pag inom og makahubog nga ilimnon dayun matulog, dili kini makatabang nga kamo makatulog dayun.
3. Ayaw katulog og gigutom ka, ayaw pod katulog og busog kaayo.
4. Mag exercise kada hapon mga 30 minutes lang ang tagal bago manihapon.
5. Siguroha nga limpyo ang inyohang kwarto bago matulog. Patyon ang suga og sirad’e ang bintana aron walay makasulod nga hayag og siguraduha nga wala kamoy madungog nga saba hinungdan nga dili kamo makatulog.
6. Bago matulog, likayi ang pag hunahuna sa mga problema o mga butang nga makahatag sa imoha og rason nga dili mahimutang. Likayi usab ang pagtrabaho kung naa naka sa kama sama sa pag gamit og laptop o cellphone.
7. Anada ang kaugalingon nga matulog sa tama nga oras og tama nga pagbangon.
Dunay mga tambal sa para sa mga tao nga dili katulog, apan nanginahanglan kini og espesyalista o reseta gikan sa imohang doctor aron mahatagan ka sa botika, tungod duna kini mga side effects sa pasyente.
Kung gibuhat na nimo ang mga butang nga dili manginahanglan og tambal, kinahanglan na nimo muadto sa imohang doctor aron ma examine ka og ipangutana kung unsa ang imohang dapat buhaton og unsa ang tambal nga imohang inumon.
Kung duna man kamoy mga reaksyon og gusto idugang, pwede ninyo kining i-comment sa baba.
Para sa Tip Ni Luningning ug uban pa, paminawa ang programang “u&i” 9pm-12mn sa 93.9 iFM Davao.
