Lubos ang kasubo sang muslim community sa siyudad sang iloilo sa natabu nga pagpatay sa isa nila ka upod nga negosyante nga ginpatay kahapon sang kaagahon sa Mandurriao plaza lakip na ang lima sini ka bulan nga lapsag pinaagi sa pagmartilyo.
Ginpahayag ni Sultan Jerry Macala, spokesman sang muslim community nga tuman gid ka subo sang natabu sa ila upod bangud wala ini sang ginahimo nga malain kundi nagapangabuhi lang gid sang matawhay sa siyudad sang iloilo.
Angut sini, luyag sang muslim community nga mahatagan sang hustisya ang kamatayon sang biktima nga si Muama Ditingki kag sang lima ka bulan sini nga bata.
Suno kay macala nga ginatugyan na lamang nila sa mga pulis ang pag-imbestigar kagf pagsolbar sa nasambit nga krimen.
Nahibaluan nga arestado na ang suspek nga si Mark Ganava ngha taga-Himamaylan Negros Occidental samtang at large ang kaupod sini nga nagserbe nga look out.
Tgas: Visayas, Iloilo, Iloilo City, Rmn Iloilo, DYRI774, Sonny S. Punay
