Dili mominus sa duha ka pulis sa Cogon Police Station ning syudad sa Cagayan de Oro ang mag-atubang sa kasong “Police Brutality” tungod sa kamatayon sa usa ka pinirso niadtong hapon sa Mayo tres.
Si Neresa Candelanza, 23 anyos nga taga Migkiwan, Barangay Bayanga mibahad nga mopasaka sa kasong Police Brutality batok sa dili mominus duha ka pulis sa Cogon Police Station.
Kini tungod sa pagkamatay sa iyang live-in partner nga si Christopher Campo Redondo, 29 anyos nga taga Sityo Lomboy, Barangay Indahag ning syudad.
Si Redondo, unang nasikop sa Cogon Police mga alas nuebe sa buntag niadtong Mayo tres didto sa Sityo Paglaom, Barangay Camaman-an tungod sa iyang paglugos sa usa ka otso anyos nga batang babaye sa Sityo Lomboy.
Matud ni Candelanza nga samtang si Redondo gipriso sa Cogon Police, misulti kini kaniya nga gikulata siya sa duha ka pulis sa wala pa siya gisulod sa iyang detention cell sa cogon police station.
By: RadyoMaN Nitz Arancon
web photo
