*General Santos City— Gipaburan ni lt. Gen. Cirilito Sobejana, Commander sa Western Mindanao Command ang desisyon ni Presidente Rodrigo Duterte nga dili na lugwayan pa ang martial aw sa Mindanao human ang Disyembre 31.*
*Sumala niya ang nahimong desisyon sa pangulo ang resulta sa ilahang gisubmitar nga security assessmet uban ang Eastern Mindanao Command ilalom sa pagdumala ni Lt. Gen. Santos.*
*Pagpaklaro niya nga walay mahitabong kabag-uhan sa ipatumang siguridad sa militar human ang Disyembre 31 kung asa magpadayon ang ilahang ginahimo nga security measures sa ilahang area of responsibility.*
*Dugang pamahayag ni Lt. Gen. Sobejana nga walay magbag-o sa ilahang security measures hilabina ang ilahang focus military operation batok sa mga rebelde ug teroristang grupo nga nagalihukan sa ilahang mga area of responsibility.*
*Pagpaklaro niya nga mandato sa han-ay sa militar nga mahatagan ug siguridad ang katawhan hilabina na ang mga law abiding citizen.*
*Gani sa milabay’ng gabii, nagpahigayon matud pa sila ug panagpulong uban ang presidente kung asa gikumpirma niini nga ang martial law sa Mindanao ang hangtud nalang sa Disyembre 31 subay na usab sa rekomendasyon sa kasundaluhan.*
*Kalabot niini, gibutyag ni Lt. Gen. Sobejana nga parehong positibo ang dala sa martial law sa Mindanao ug ang pag-undang niini.*
*Saysay niya nga sa kapin duha ka tuig nga deklarasyon sa Mindanao, daghan sa mga tag-as nga lider sa managlahing threat group ang misurender ug napatay sa managlahing operasyon.*
*Samtang nauna na matud pang nagpagawas ug kamanduan si Presidente Rodrigo Duterte pinaagi sa executive order no. 70 aron sa pagmugna ug national, regional, city ug manucipal task force batok terorismo.*
