Davao City – Gipaneguro sa mga barangay officials sa Brgy. 76-A Bucana syudad sa Davao nga aktibo ang ilang Barangay Anti-Drug Abuse Council (BADAC) kung itandi sa uban. Sumala ni Brgy. 76-A Bucana, barangay kapitan Rolando Trajera, nakita nilang rason kung nganong dili kalihok ang ubang mga BADAC tungod kay dili mokooperar ang mga tawo sa kampanya batok gidiling droga.
Hinoon gipasabot ni Trajera, kung mapamatud-an nga wala maglihuk ang BADAC sa usa ka barangay ug dunay gibasehan nga nalambigit sa droga mamahimo kini makasohan apan gipaneguro ni Kapitan Trajera nga sa ilang barangay walay opisyal nga nalambigit ambot lang sa ubang lugar.
Sa pikas bahin, nagtoo si Brgy. Leon Garcia Agdao barangay captain Boy Ponsa, dunay mga opisyal sa barangay nga nalambigit sa gidiling droga ilabina kung dili aktibo ang ilang BADAC.
RadyoMaN Bernard Pantallon
