[image: IFM 919 Logo (1).jpg]
Napasakaan na og kaso ngadto sa Office of the City Prosecutors ang dinakpan nga lalaki sa gihimong buy-bust operation sa operatiba sa Police Station 7, alas 8:30 ang takna milabayng gabii sa Prk. 21, Brgy. Fatima.
Giatuban na karon sa suspek nga si Elmer Candole Rondina alyas “Mer”, 53 anyos, minyo ug lumulupyo sa Prk. 21, Blk 4, Brgy. Fatima ning dakbayan sa GenSan ang kasong pagsupak niini sa Section 5 ubos sa Republic Act 9165 o Comprehensive Dangerous Drugs Act.
Nasayran nga gihimong ebidensya sa kapolisan ang narekober sa iyang posisyon nga siyam ka sachet sa gituohan nga shabu ug 500 pesos nga buy-bust money.
Nagpabilin nga nakakustodiya sa Fatima Police Station 7 ang suspek og tun-an kung ang suspek mag-plea bargaining sa kasong giatubang sa korte.
