General Santos City–Posible karong adlawa ipasang-at na sa kapulisan ang kasong kalapasan sa section 5 sa RA 9165 batok sa suspek nga si Michael Sasota, 34 anyos, minyo og nanimuyo sa Purok Malipayon Brgy.Labangal ning syudad kansa nasikop sa operasyon sa otoridad
Kahibaluan nga una nang nasikop ang suspek sa gipahigayong buy bust operation alas 8:40 sa gabie sa nasampit nga lugar sa mga personahe sa Police Station 2 uban ang koordinasyon sa PDEA 12 malampusong nasikop ang suspek.
Human napalitan og usa ka gamay nga sachet nga gituohang shabu sa usa ka poseur buyer nga sakop usab sa operative team ingon man nakuha usab sa posisyon sa suspek ang usa ka 500 pesos nga buy bust money.
Sa kasamtangan nagtingkagol sa selda sa Police Station 2 ang suspetsado.(Reynald Timario)
