General Santos City–Gikabutyag ni Police Leutenant Colonel Rey Egos ang hepe sa Koronadal PNP nga basi sa ilang imbestigasyon usa sa ilang nakita nga motibo sa pagpamusil sa usa ka pamilya sa Sitio Cogonal Brgy.Topland syudad sa Koronadal mao ang intensyon sa mga suspek nga pasakitan ang mga biktima.
Sumala pa ni Egos nga dili pa gayud nila matumbok ang tinuod gayud nga hinungdan gumikan kay basi sa mga testimonya sa mga silingan og sa ubang tawo nga nagdako matud pa ang mga biktima nga walay mga kaaway sa lugar.
Kahibaloan nga gipangposil ang mga biktima sa wala mailhing mga suspek samtang gatan-aw lang kini og tv kung asa patay silang Lucio Simpal og ang umagad niining si Jeffrey Hernandez nga susamang nanimuyo sa nasampit nga lugar, samtang samdan usab silang Jeffrey Talino og Iceen Pasamante nga padayong nagpaalim sa ospital
Dugang saysay ni Police Leutenant Colonel Rey Egos nga duna na silay person of interest og ilaha kining gipangitaan og pamaagi nga mamahimong witness og mapasakaan nila og kaso
Gipaklaro man usab sa opisyal nga dili pa nila mabutyag ang ilhanan niini sa tumong nga aron dili maapektuhan ang ilahang padayon nga gihimong imbestigasyon kalabutan sa maong panghitabo (Reynald Timario)
