Malapatan, Sarangani Province—Notado nang tigpayuhutan ug iligal nga droga ang suspetsado si Ryan Maladia, Legal Age, residente sa Barangay Tuyan, Malapatan, Sarangani, kansa una nang nadakpan sa gihimong search operation sa kapulisan niadtong nakalabayng adlaw.
Sumala ni Police Major Jojit Necolas, hepe sa Malapata PNP, niadtong gimando ni Pangulong Duterte sa mga lambigit sa droga nga mosurender, wala matud pa mitahan ang nasampit sanglit misibat kini sa Malapatan .
Human sa pipila ka tuig mibalik ang nasampit ug subling nakiglambigit sa iligal nga droga.
Gibutyag usab ni Major Nicolas nga dihang ilang nabalitaan nga nibalik sa ilang lugar ang suspek ila dayon kining gipailawom sa surveillance.
Nasayran nga unod sa search warrant sa kapulisan nga gisilbi sa suspek mao ang kalapasan sa RA 9165, samtang atol sa operasyon gawas sa iligal nga droga, nakuhaan usab kini armas.
Tungod niini kasong kalapasan sa RA 9165 ug RA 10591 ang takdang atubangon sa suspek.
