Maasim, Sarangani Province—Subling nasikop sa tropa sa Maasim PNP ang babayeng priso nga una nang nakasibat gikan sa ilang buhatan kansa nag-atubang ug kasong murder.
Ginganlan lang Police Captain Weneslao Imperial, Deputy Station Commander sa Maasim PNP ang suspek nga si Alias Ivy, 24 anyos, walo ka bulan nga mabdos ug residenti sa Barangay Lumatil, Maasim, Sarangani Province.
Nasayran nga naapil ang maong ginang sa kaso sa minor de edad niining manghod kansa nakapatay ug usa ka tawo. Apil siyang nakasuhan gumikan anaa siya sa lugar dihang nahitabo ang krimen.
Nasayran nga una nang misibat ang suspek gikan sa kustudiya sa Maasim PNP niadtong nakalabayng simana.
Nagpakarong-ingnon matud pa ang nasampit nga gisakitan siya ug tiyan mao nga gipagawas sa silda. dihang nakahigayon iyang gisibatan ang mga Police apan niadtong nakalabayng adlaw, subli kining nasikop sa usa ka balay distansya lang sa ilang pinuy-anan.
Sumala ni Police Captain Imperial, unang nagtago sa kabukiran sa Maasim ang nasampit nga ginang apan nilugsong aron sa pagkuha sa iyang konsumo. sa karon commitment order nalang ang gipaabot aron nga mabalhin na ang nasampit ngadto sa Sarangani Provincial Jail.
