BACOLOD CITY – Magaupod ang Diocese sang Bacolod sa patigayunon nga Red Wednesday bwas nga adlaw, November 22.
Ini agud ipakita ang pag-isa sang diocese sa pagkondenar sa nagakatabo nga pagpamatay sang mga Kristiano sa bilog nga kalibutan.
Ang aktibidad magasugod pinaagi sa isa ka religious procession las 5:30 bwas sa hapon sa palibot sang Bacolod City public plaza kag pagasundan sang Holy Mass sa San Sebastian Cathedral nga pagapangunahan ni Bacolod Bishop Patricio Buzon.
Ini pagasundan sang red candle lighting kag pagpasiga sang red lights sa Cathedral.
Angut sini, ginpahayag ni Social Action Center Director Fr. Chris Gonzales nga sang 2016 lang may kapin na 90 mil ka mga Christians ang ginpamatay bangud sa ila pagtuo.
Para naman kay Bacolod Bishop Patricio Buzon ang pag-pangamuyo ang nagatuyo para mangin “aware” ang mga Christian faithful sa nagakatabo karon nga prosecution nga mas madamo pa ang nangin biktima ipanggid sadtong Roman Times./dyHB BACOLOD
