DepED Caraga andam na sa October 5 nga klase
Namahayag ang Rehiyunal nga buhatan sa Department of Education Caraga pinaagi ni Reg’l Dir. Francis Cesar Bringas nga bisan anaa pa sa 59 percent pa kaandam ang nasudnong buhatan sa Dep-Ed sa umaabot nga pagbukas sa klase karung Uktobre 5.
Apan gibutyag niini nga sila dinhi sa Caraga ang mas mulabaw pa sa maong porsyiento ang kaandam gumikan kay pursigo gyud sila nga mahimo ang tanang gikinahanglan ilabina ni-ining pamaagi karun sa pagtudlo ning panahon sa pandemya, nga blended learning.
Gidugang pa sa opisyal nga dili gyud makaparehas ang gidaghanon nga modules ang ilang himuon sa ihap sa mga enrollees gumikan kay duna may uban mukuha sa online modality, kalabot ni-ini magbase lang sab ang ilang gipang-printa nga modules ilabina diha sa matag divison sa mga gusting mu-avail ug mukuha sa modular modality.
Si Dep-Ed Regional Director Francis Cesar Bringas sa iyang pamahayag sa RMN DXBC Butuan.
