General Santos City— Gikumpirma ni Gil Castro, kanhing labaw sa PDEA 12 nga epektibo niadtong Nobymbre 30, dili na siya maoy Regional Director sa PDEA 12 ug na-assign na siya karon sa kauluhan.
Wala man usab niini gibutyag ang hinungdan nganong halos usa lang katuig ang iyahang paglingkod isip director sa PDEA 12 ug gilayong gihulipan. Sa kasamtangan, wala pay gibutyag ang buhatan sa PDEA 12 kung si kinsa ang ibutang sa iyahang nabakanteng posisyon.
Kahinumduman nga una na siyang nanamilit sa probinsya sa Sarangani niadtong petsa 30 dungan sa culmination sa Sarangani Week of Peace pinaagi sa pamahayag nga kinahangalan pasalamatan ang mga nahitabo sa probinsya gumkan pag-abot sa panahon ilang pasalamatan ang resulta niini.
Iyaha man usab gipasigarbo nga ubay-ubay na sa mga mu nisipyo sa sarangani ang nadeklarang Drug Cleared o Drug Free ilawom sa iyahang paglingkod isip labaw sa PDEA 12.
Samtang giangkon ni Castro nga adunay duha o tulo nga mga ahente sa PDEA 12 ang ginapa-ilawom sa imbestigasyon human ang sumala pa pagkawagtang sa pipila ka mga kabtangan sa panimalay ni Brgy. Tambler Kapitan Abdul Wahid Bualan.
