Davao City – Nahulog sa kaguliyang ang adlaw natawhan sa usa ka dalaga human usa sa mga bisita nagwala ug nangluba dihang nahubog na kini ala 1:40 sa kadlawon.
Gikabikil ni Jericho Mahipus nga taga-Agdao si Michael Villanueva kinsa pareho nanambong sa adlaw natawhan ni Joan Rico sa San Vicente, Buhangin District ning siyudad dihang pareho na sila nahubog.
Misuway og mitaliwa si Minard Mabaya, pintor, ulitawo ug nanimuyo sa samang lugar sa away sa duha apan kalit mibunlot og kutsilyo si Mahipus ug giatubang ang biktima dungan sa pagdunggab.
Paspas misibat ang suspek uban sa kauban niini nga si Edwin Papas human sa gibuhat ang krimen ug dali nga gisapupo si Mabaya paingon sa SPMC kinsa padayon gitambalan sa miatiman nga doktor kaniya.
Nagmando na karon si Buhangin PNP Chief of Police Chief Inspector Jack Tilcag sa iyahang case tracking team sa paglutos sa suspek aron sikopon ug patubagon sa nahimo niini nga krimen.
RadyoMaN Joel Viray
