Nagalab-ot sa 18 sa subong ka mga barangay sa probinsya sang South Cotabato ang naidentify nga hotspot area sang dengue sa probinsya.
Suno kay Assistant Provincial Health Officer Dra. Alah Baby Vingno ang nasambit nga mga barangay ang nahamtang sa mga banwa sang Surallah, Polomolok, Sto.nino, Norala, Koronadal, Tupi, kag Tantangan.
May-angot sini, suno sa iya sentro ukon prayoridad sa subong sa ginapatuman nga fogging kag misting operations ang mga hotspot areas.
Ginkumpirmar niya man nga yara sa 91 ka mga barangay sa probinsya ang nagaclustering.
Sa subong suno kay Dra. Vingno nagalab-ot na sa 3,664 ang kaso sang dengue sa probinsya kag 21 ang patay halin Enero 1 tubtob Hulyo 22 subong nga tuig.
Facebook Comments
