DISGRASYA | Pila ka mga persona, pilason sa separado nga aksidente sa dalanon!

370

Roxas City, Capiz – Pilason ang pila ka mga persona bangud sa natabo nga disgrasya sang salakyan sa tatlo ka separado nga lugar.
Sa may bahin sang Brgy. Salocon Panit-an, pilason ang driver sang motorsiklo nga si Aquiliano Cano matapos nga nabunggo ang ginamaneho sini nga motorsiklo sa Toyota Hilux nga ginamaneho ni Alfredo Apelyido sang Brgy Lacaron, Dao, Capiz.
Isa man ka pito ka tuig nga bata nga lalaki ang nabunggoan ni Glen Sumadya, 23-anyos sang Brgy Agdahon, Cuartero, Capiz samtang ginasubay sini ang national highway sa Brgy Adlawan, Roxas City.
Samtang sa Brgy Lanot, mga alas 3:58 sang hapon nagbunggoanay man ang salakyan nga ginamaneho ni Orlando Bonilla Jr y Ducanes kag single nga motorsiklo nga ginadala ni Jose Brian Reyes, 28-anyos sang San Enrique, Iloilo.
Bangud sa amo nga aksidente, ang-angkon sang kapilasan sa lawas si Jose Brian Reyes.
photo(c) – Aksyon Tabang PDRRMO

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments