Lalaki nga isa ka Barker/Dispatcher ginluthang-patay sang riding in tandem sa Bangga Riles, Brgy. Alijis, Bacolod City, pasado las siete sang gab-i, Disyembre 16.
Ang biktima ang ginkilala kay Mitchel Yap, 34 anyos, residente sang Purok Maanyag, Brgy. Alijis, Bacolod City.
Lima ka lupok ang nabatian sang mga nakasaksi sa lugar sang wala matumod nga kalibre sang armas halin sa suspek nga naka-helmet. Naka-angkon sang igo sa ulo kag nawala nga kilid si Yap nga amo naman ang gintunaan sang iya hinali nga kamatayon.
Suno sa iloy sang biktima nga si Nenita Yap, gin-ako sini nga nagagamit gid man sang iligal nga druga ang iya anak.
Sa karon padayon pa ang imbestigasyon sang kapulisan angut sa nasambit nga krimen.
[image: image.png]
Facebook Comments
