Duha ka rason ang gintumod sang Department of Social Services and Development (DSSD) sang ciudad sang Bacolod kon ngaa wala nadayon sini nga weekend ang dapat kuntani distribution sang Social Amelioration Program (SAP) grant.
Suno kay DSSD Bacolod Head Pacita Tero sa interview sang DYHB nga wala nadayon ang pagpanghatag sang amo nga ayuda bangud nga wala pa sang kwarta para sa payroll sang mga benipisyaryo.
Subong man, isa pa sa rason amo nga wala pa natapos sang regional office ang ginapatigayon sini nga de-duplication sang listahan sang makabaton sang amo nga cash aid.
Nahibaluan nga dapat kuntani sa Hunyo 21 mabaton na sang kapin 15,000 ka mga benipisyaryo nga yara sa listahan sang waitlisted kag mga leftout ang ayuda halin sa DSSD.
Samtang, nagalaum si Tero nga mapatigayon ang distribution antes sang June 25 kag mahimo nga idungan na lang diri ang pagpanagtag sang second tranche sang SAP sa kapin 90,000 ka mga benipisyaryo.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
