Patay ang isa ka district supervisor sang Department of Education sa pagpangluthang sa President Quirino, Sultan Kudarat mag-alas 8:00 kagaina sang aga. Ginkilala ni President Quirino PNP Investigator Police Corporal Ryan Meriales ang biktima nga si Abdul Khadir Sultan, residente sang barangay Poblacion sa nasambit nga banwa. Ginluthang ang biktima samtang sakay ini sa iya service vehicle sa Purok KWM, Barangay Poblacion. Nakaangkon naman sang fatal nga igo sang bala ang biktima nga nangin tunaan sang iya hinali nga kamatayon. Narekober naman sa crime scene ang walo ka mga basyo sang 45 nga kalibre sang armas luthang. Sa subong nagapadayon ang imbestigasyon sang President Quirino MPS sa motibo kag suspek sa nasambit nga insidente.
Facebook Comments
