Division of South Cotabato ginaumpisahan na ang profiling sa mga learners para sa ipatuman nga alternatibo nga pamaagi sa pagtudlo.

Nagapatigayon na sang learners profiling ang Division of South Cotabato agud nga hibaluon kon sin-o sa mga ini ang may kapasidad sa kada learning modalities nga nga ipatuman nga target nga matapos bag-o ang Hunyo 1.
Suno kay Division Schools Supt. Ruth Estacio paagi sini mahibaluan kon sin-o nga mga kabataan ang para sa face-to-face instruction, online classes, lesson videos, blended face-to-face and modular mode, blended face-to-face and online instructions, radio broadcast instructions kag Project Textblast.
Ginpahayag man ni Estacio nga yara pa sa 60 porsyento ka mga eskwelahan sa idalom sang division of South Cotabato ang makapatigayon pa sang face to face learning.
Samtang ginkumpirmar niya man nga gin-aprobahan na sang provincial school board sa pagreallign sang P5.4 million sang Special Education Fund (SEF) sa istratehiya nga gamiton sang division of South Cotabato agud mapadayon ang pagtuon sang mga kabataan sa tunga sang COVID-19 pandemic.
Paagi sa nasambit nga pondo gamiton ini sa pagbakal sang 36 digital duplicators nga i-distribute sa mga school districts para sa printing sang learning modules.
Nahibaluan nga ang modular learning ang isa sa major strategies nga gamiton sang division of South Cotabato