Handa si House Speaker Pantaleon Alvarez nga kumbinsihon si President
Rodrigo Duterte nga aprubahan ang divorce bill nga ginpasar sa Kamara
kahapon.
Ginhimo ni Alvarez ang pahayag samtang yara sa oath-taking sang mga bag-o
nga miyembro sang Partido Demokratiko Pilipino-Lakas ng Bayan sa Caloocan.
Suno kay Alvarez handa siya nga magpaathag personal kay Pres. Duterte.
Ginpahayag ni Alvarez nga iya nahibaluan nga naga-ulikid lang ang
presidente sa mga kabataan sang mag-asawa nga magabulagay rason nga indi
sini luyag ang diborsyo.
Iya man ginahingyo nga mangin bukas ang Senado sa divorce bill kag ihatag
ang madugay na nga ginapangayo sang kadam-an.
Madumduman nga aprobado na kahapon sa 3rd and final reading sang Kamara ang
Divorce bill.
(photo from web)
