Diyosesis sa Malaybalay, nagpagawas ug mga direktiba human nga adunay 2 ka pari namatay tungod sa COVID-19

13

Nagpagawas ug pipila ka bag-ong direktiba ang Diyosesis sa Malaybalay alang sa tanang mga kaparian, consecrated persons ug mga laygong katawhan human nga adunay duha ka mga pari ang namatay tungod sa COVID-19.

Sa interview sa RMN DXMB Malaybalay ngadto kang Fr. Alfred Delfino, ang chancellor sa Diocese of Malaybalay gibutyag niini nga hugot nga ipatuman ug sundon ang mga Protocols sa Pandemiya sama sa kanunay nga pagsul-ob sa facemask, pagtuman sa physical ug social distancing sa matag kasaulogan sa Misa ug mga Sakramento, ang paggamit og hand sanitizer o alcohol, ug ang gidaghanon sa mga tawo nga gitugotan sa matag kasaulogan.


Dugang pa ni Fr. Delfino, ang mosunod nga mga probisyon kinahanglan sundon ug hugot nga ipatuman:

WALA usay tigom nga pagahimoon sa matag Parokya ug Katolikong Tulunghaan (BUACS), except sa Misa ug kasaulogan sa mga Sakramento, sugod karon hangtud nga ibalik kini sa Simbahan.

GIDILI usa ang Misa sa Balay ug sa mga Pribado ug Publikong Opisina sama sa anniversary, birthday, thanksgiving, o Wake Mass. Mahimong mag-Pamisa Pasalamat ug Pamisa sa Kalag sulod sa Misa sa Parokya ug Kapilya. Apan, mahimong magpamisa sa semeteryo panahon sa Death Anniversary, iseguro lamang ang pagtuman sa mga Protocols sa Pandemiya.

Alang sa mga kaparian nga mobalhin o ma-assign sa lain napud nga Parokya karong June 2021, GIDILI ang pagpahigayon og Despedida ug Bienvenida parties aron malikayan ang panagtigom sa mga parokyano sulod ug gawas sa kumbento.



Kon adunay gihambing balatian sa lawas, palihug pakig-kita dayon sa doktor o espesyalista, aron mintras sayo pa, mahibal-an na daan ang inyong sakit.


Katong adunay comorbidities ug nagtomar na og maintenance medicines, ug ang mga senior citizens, vulnerable kaayo sa sakit ug sa virus. Busa, gipalikay kanunay sa mga tigom, mga pagkaon ug ilimnon nga bawal, ug mga butang o okasyon nga maka-trigger sa kahimtang.

Mahimong minusan ang schedules sa Misa sa pari nga aduna naay mga comorbidities ug nagtomar na og mga maintenance medicines, sumala lamang sa gidaghanon nga makaya, pinakataas na ang tulo ka Misa sa adlawng Dominggo, usa ka Misa sa matag adlaw, gikan Lunes hangtud Sabado, kon adunay daily Mass schedules sa inyong Parokya.

Nasayran nga adunay mga simbahan nga temporaryong gisira ang parokya sa Libona, ug sa Dalirig ug temporary lockdown sa Parokya sa Baungon.

Sa Bukidnon, adunay 3 ang nagpositibo sa COVID-19 kung aha 2 ninii ang nakabsan sa ilang kinabuhi samtang adunay 1 ang naka-isolate na usab karon.

Mahinumduman nga sunod-sunod nga kamatayon sa mga paring Bukidnon karong tuiga, gikan kang Fr. Rene Regalado nga gipatay niadtong Enero 24, 2021; si Fr. Joel Tuquib nga hinanaling namatay tungod sa cardiac arrest niadtong Abril 12, 2021; ug si Fr. Columbano Adag, OSB – usa ka monghe sa Abbey of the Transfiguration niadtong Abril 23, 2021 ug karon bag-ohay pa lamang silang Fr. Jojo Brigoli (May 2) ug Fr. Pablo Salengua (May 4), silang duha nga nangamatay tungod sa COVID-19.

Facebook Comments