Davao City – Dili na sumala pa angay ikatingala ang sugyot balaodnon sa pagbaton sa motorsiklo og duha ka plaka subay sa Senate Bill 1397 o ang Motorcycle Crime Prevention Act of 2017 o mas nailang Doble Plaka Bill.
Sa pakighinabi sa DXDC RMN Davao kang Atty. Gomer Dy, Regional Director sa Land Transportation Office (LTO)-XI, gibutyag niini nga niadto pang 1966 doble na ang plaka sa motorsiklo diin subli kining gibalik ug gisugyot nga padak-an pa ang sukod niini aron mas sayon kining ma-identipika labi na kung gamiton kini sa dautang binuhatan.
“Dili ta matingala nga nabalik na siya nga balaod, kay daan pa, ato pang 1966 doble na ang plaka sa motor. Ang kuan ana, is for easy identification of the motorcycle.” segun niini.
Samtang gipasabot sa opisyal nga ang likod lamang nga plaka sa motor ang metal samtang sticker nga plaka ang sa atubangan, diin maoy gikabalaka sa mga motor riders nga mamahimong delikado kini kung musugat sa hangin labi na og kusog og dagan sa sakyanan.
Nasayran nga gisuspinde una ni Pangulong Rodrigo Duterte ang Doble Plaka Bill tungod sa gihimong protesta o unity ride sa pagpadayag sa mulo sa mga motorista.
RadyoMaN Kirby Manzon
