Nagpabiling 2019 novel coronavirus free ang Pilipinas.
Sa interview sa RMN Malaybalay ngadto kang Dr. Ian Gonzales, ang operations chief sa communicable disease ug spokesperson sa NCoV sa Department of Health Region 10 gibutyag niini nga wala pay kumpirmadong kaso sa mao nga sa sakit sa nasud ilabina sa Northern Mindanao.
Giklaro usab niini ang taho nga adunay person under investigation kon PUI sa isla sa Camiguin human makitaan sa sintomas sa NCOV.
Matud ni Dr. Gonzales nga nigawas na ang laboratory result ug negatibo kini sa mao nga sakit.
Nakagawas na usab kini sa balay tambalanan human na-ayo sa iyang hilanat.
Una nang gipasabot ni Gonzales nga ang NCOV usa ka bag-ong coronavirus maong gitawag kini ug Novel.
Aduna na matud pay coronavirus kaniadto sama sa Middle East respiratory syndrome (MERS MERS-COV ug Severe acute respiratory syndrome SARS-COV.
Ang coronavirus matud pa usa ka common nga virus nga makamugna ug sip-on.
Sigun niya nga dili tanan corona virus ang gikahadlukan.
Gidugang ni Dr. Gonzales nga apil sa sintomas sa Novel Corona virus nga nagsugod sa Wuhan, China mao nga mura lang kini ug flu o trangkaso sa sinugdanan.
Magsugod matud pa sa ubo, hilanat ug sip-on ug mamahimong muabot sa punto nga maglisod sa paginhawa.
