General Santos City–Dili angayang luagan ang mga gipatumang mga health protocol nga ginapatuman sa pagsulod sa bulan sa Disyembre. kini ang gibutyag ni Arjohn Gangoso, tigpamaba sa DOH 12.
Sumala niya nga gumikan sa pagsulod sa bulan sa Disyembre ang sunod-sunod nga mga okasyon, dapat mas mahimong strikto sa implementasyon sa mga health protocols ama sa pagsul-ob sa facemask, faceshield ug ang physical distancing. Dugang pamahayag ni Gangoso nga dapat mahimong parte sa soluyon ang matag usa ug dili mahimong dugang sa problema.
Saysay niya nga daghan na ang nanghinaut nga makabalik na sa normal, apan hangtud nga wala pay vaccine kontra covid, kinahanglan nga tumanon gihapon ang mga protocol aron kini mabatukan. Awhag niini sa tanan nga likayan nga mataptan sa covid isip proteksyon sa kaugalingon ug para usab sa mga miyembro sa pamilya.(LVR)
