General Santos City–Misaka na sa 122 ang kumpirmadong kaso sa covid-19 sa SOCCSKSARGEN Region, subay sa covid 19 tracker sa DOH Center For Health milabay’ng Hulyo 15, alas 6 sa gabie.
Sumala kang Arjohn Gangoso, tigpamaba sa DOH-12 nga sagad sa maong ihap ang naggikan sa mga Locally Stranded Individual kon LSI ug mga returning OFW.
Samtang anaa sa 56 na ang ihap sa mga nakarekober sa maong virus ug duha ang namatay nga naggikan sa probinsya sa Sultan Kudarat ug North Cotabato.
Samtang giklaro ni Gangoso nga wala pay natalang local transmision sa rehiyon ug makonsiderang exemption ang duha ka kaso sa syudad sa Cotabato kung asa adunay duha ang nagpositbo nga adunay direktang kontak sa duha usab nga kumpirmadong kaso.
Kini gumikan subay sa gihimong laboratory test sa duha nga direct contact, tanan ang nagnegatibo.
Hangyo nalang niini sa tanang LSI ug ROF nga sundon ang tanang protocol nga ginapatuman sa gobyerno ug higayon nga adunay masinatiang sintomas sa covid-19, gilayong magpakunsulta. (LVR)
