General Santos City–Misaka na sa kapin 10mil ang ihap sa kaso sa dengue nga natala sa Rehiyon 12 ning kasamtangang tuig. sumala kang Doh-12 Spokesperson Jenny Ventura, aduna na silay natalang kaso sa Dengue nga 10, 068 gikan Enero 1 hangtud na Hulyo 13ning kasamtangang tuig kon 163%nga pagsaka.
Mas taas matud pa kini kung itandi sa samang period milabay’ng tuig nga anaa lang sa 3, 973.
Pinaka-daghan North Cotabato nga may 3, 411nga gisundan sa South Cotabato nga may 3, 301, Sultan Kudarat nga may 1, 494, SARANGANi nga adunay 907, General Santos City nga may 565 ug Cotabato City nga anaa sa 400.
Dugang pamahayag ni Ventura nga ilahang gika-alarma ang pagdaghan sa ihap sa mga nangamatay nga mi-abot na sa 46.
Ang South Cotabato ug North Cotabato ang samang nakatala ug tag 16 nga namatay tungod sa Dengue, Sultan Kudarat nga adunay siyam, tulo gikan sa probinsya sa Sarangani ug tag usa gikan sa Gensan ug syudad sa Cotabato.
Saysay niya nga gilauman na nilang daan ang apgtaas sa kaso sa Dengue apan dili ingon ani kataas gani matag duha ngadto na tulo ka tuig, naga-saka gyud ang ihap sa kaso sa dengue ug pipila na usab ka tuig nga wala misaka ang ihap sa dengue sa Rehiyon-12.(Lore Romualdo)
