DOH-6 nagapanawagan sang hugot nga implementasyon sang ECQ sa rehiyon

22

Hugot nga implementasyon sang Enhanced Community Quarantine (ECQ) ang ginapanawagan karun sang Department of Health (DOH) Region 6 bangud may yara na sang local transmission sang coronavirus partikular na sa Bacolod City.

Sa interview sang DYHB kay Dr. Jane Juanico, head sang Infectious Diseases Section sang DOH 6, nagpanawagan ini nga kuntani mas hugton pa ang pagpatuman sang ECQ.


Nagpanawagan man ini sa mga residente nga kun wala man lang sang importante nga kaladtuan ukon baklon sa guwa, magpahimuyong gid sa balay.

Gin-confirm sang DOH-Western Visayas ang local transmission sa Bacolod matapos marekord ang close contact sang patient WV 23 nga isa ka 62-year-old female kag sang patient WV 7.

Si patient WV 23 ang napatay sang Marso 31.

Santo naman sa pinakaulihi nga datos sang DOH 6 as of April 2, may yara sang 25 ka positibo nga kaso sang COVID-19 sa rehiyon.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments