Tungod sa padayong pagtaas sa temperatura karong dry season , nitambag ang Department of Health-7 sa publiko nga di maggawas-gawas sa balay o opisina kung wa lay importante nga lakaw ug tuyo .
Ang Health Emergency Management Staff sa DOH-7 nga si Dr. Shelbay Blanco namahayag nga tungod sa kataas sa temperatura nga natala sa Pag-asa delikado nga masinati ang heart stroke ingon man dehydration .
Ang DOH-7 nabalaka sa kataas sa temperatura nga 33.6 degrees celcius nga natala sa Pag-asa niadtong Dominggo sa hapon diin ang heat index o kainiton niini ngadto sa lawas maabot na ug 42 degrees celcius .
Matud sa Pagasa Mactan , magpadayon ang tag-as nga temperatura sa nahabiling mga adlaw ning buwan sa Abril .
Facebook Comments
