Davao City – Tungod sa sunod-sunod nga mga insidenteng balatian sama sa 2019 novel coronavirus acute respiratory disease, African Swine Fever (ASF) ug bird flu kun avian influenza, padayon karon ang gihimong monitoring sa Department of Health (DOH-XI) alang sa himoong mga lakang aron pakigbatukan ang maong mga emerhensiya.
Sumala ni Dr. Annabelle Yumang, DOH-XI Regional Director, subli na usab silang magpagawas ug mga advisories or pasidaan nunot niining mitumaw na usab nga balatian sa mga baboy human nagpositibo ang lalawigan sa Davao Occidental.
Gipasabot ni Yumang nga kaniadto pa aduna na silay gihimong mga ‘precautionary measures’ kalabot niining maong balatian ug karon subli na usab nilang himoon kini aron dili mataptan ang mga tawo sa maong sakit nga naggikan sa kahayupan.
RadyoMan Bernard Pantallon
