Bukidnon – Gitugyan na sa Department of Health ngadto sa mga local government unit kon LGU’s ang pagpatuman sa Executive Order number 26 kon Nationwide Smoking Ban.
Sa interview sa RMN Malaybalay ngadto kang DOH Spokesperon Dr. Eric Tayag, gibutyag ninini nga mas makaayo nga ang lokalidad ang hugot nga mupatuman ninii aron mapasabot pag-ayo ilabina kung unsay nakalatid sa maong kamanduan.
Gipahayag usab ni Dr. Tayag nga kung aduna nay naglihok nga ordinansa, kinahanglan nga idugang ang probinsyo nga wala niini nga anaa sa executive order.
Ilawom sa balaud, hugot nga ginadili ang pagpanigarilyo sa mga pampublikong lugar.
Gimanduan sa DOH nga magbutang ug karatola ug “no smoking area”. Kung magbutang usab ug smoking area kinahanglan una nga ipasusi sa LGU.
Matud ni Dr. Tayag nga epektibo na ang implementasyon sa nationwide smoking ban sa Hulyo 23, Dominggo.
Kinsa may musupak sa balaud pamultahon gikan P500 hangtod P10,000 o kaha pagka-bilanggo.
******
