Gibalhin sa Department of Health ang ilang Iligan operation center didto sa Amai Pakpak Medical Center nga maoy moatiman sa mga residente gikan sa 96 ka barangay sa Marawi.
Tumong niini nga mahatud ang serbisyo sa ahensya sa mga Internally displaced persons sa maong siyudad.
Gibutyag ni Dra. Stephanie Grace Zamora, ang head sa DoH-10 operation center nga ilang gisiguro ang panglawas sa mga IDPs.
Sa karon, nagpadayun ang gihimong profiling sa mga personahe sa DoH dungan sa medical consultation, paghatag tambal, prenatal ug post-partum care, nutritional supplements ug libreng pag-immunize lakip na ang play and dance therapy sa mga batang bakwit.
Facebook Comments
