Giaghat karon sa Department of Health kon DOH Reg. 10 ang publiko nga eligible mabakunahan. Kinahanglan nga magpabakuna kini oras nga available na ang mga vaccines.
Gipahayag ni Assistant Regional Director sa DOH-10 Dr. David Mendoza nga inay mahadlok apan kinahanglan huna-hunaon ang benepisyo sa bakuna aron maproteksyonan ang kaugalingon batok sa sakit nga COVID-19.
Matud ni Dr. Mendoza, nga gisiguro usab niya nga kung naay pagbakuna, ipaagi kini sa insaktong proseso ug screening aron luwas kining gamiton sa usa ka tawo.
Sa laing bahin, gipahayag ni Bukidnon Provincial Health Officer Dr. Garry Tabios, nga tanang klase sa bakuna gisusi ug gipailawom sa evaluation ayha gamiton.
Hinuon kung adunay ma-aprobahan ang DOH ug FDA nga bakuna, nagpasabot kini nga luwas ug epektibo.
