General Santos City— target sa Department Of Health Region 12 nga maangkon ang zero casualty sa karon nga tuig batok mga pabuto rason nga padayon ang ilahang pag-awhag nga suportahan ang pagpahigayon ug fireworks display.
Sumala kang Dra. Mely Lastimoso sa city health office nga sa milabay’ng tuig mukabat sa unom ang naitalang samdan sa dakbayan gumikan pabuto ug nag-unang hinungdan niini mao ang piccolo nga hugot nga ginabawal sa otoridad lakip na ang kwitis kung asa sagad mga kabataan 14 anyos paubos ang biktima.
Dugang pa nga sa karon ilahang ginapangingkamutan mga ma-awhag ang katawhan nga hingpit na gyud nga biyaan ang paggamit ug mga pabuto pinaagi sa pagtudlo.
Gani gi-tap na usab sa DOH ang managlahing sector sama sa Lokal nga panggamhanan pinaagi sa paghimo ug ordinansa nga naga-regulate sa paggamit ug mga pabuto.
Samtang ilaha usab gilauman nga lakip ang departamento sa edukasyon ang makig-koordinate sa ilahang kampanya pinaagi sa pagtudlo sa mga kabataan sa epekto s apaggamit ug mga pabuto.
Apan gipaklaro sa DOH nga labing dako ang papel sa ginikanan sa pagbatok sa mga kabataan nga mabiktima sa maong mga pabuto.
