Davao City – Dakpan ang usa ka doktor human napalitan og iligal nga droga sa gipahigayong buy bust operation sa Sta. Ana PNP sa Suazo St., Brgy. 28-C, Davao City kaganinang kadlawun.
Sa pakighinabi sa DXDC RMN Davao kang Sta. Ana PNP chief of Police, Police Major Michael Uyanguren, giila nila ang dinakpan nga si John Perrette Herrera, 33 anyos, taga Gravahan Matina, Davao City, ug usa ka tuig na matud pa isip doktor nga giingong nadestino sa Southern Philippines Medical Center.
Sa report, positibong napalitan ang doktor og iligal nga droga nga gituohang shabu ug dali kini gidakop sa mga otoridad.
Sumala ni Uyanguren nga dugay na nila na-monitor ang iligal nga hinimuan sa doktor apan dugay nila kining nadakpan.
“Ang information namo nga nadawat, nagabaligya siya didto sa iyang mga contacts sa social media kasagaran member sa LGBT… Ang iyang style, ginabaligyaan niya ang mga lalaki tapos pag human og bayad ginapalusaw niya kini ug ipa-inject sa mupalit. Mu-inject sab siya sa iyang sarili niya kay mag-sex man sila (sa customer),” matud ni Uyanguren.
Sa karon balhug na sa prisuhan ang dinakpan ug mag-atubang og kasong dunay kalapasan sa Republic Act 9165 kun Comprehensive Dangerous Drugs Act of 2002 gani posible usab matud pa nga matanggalan kini og lisensya sa pagka-doctor.
RadyoMaN Renz Barbarona
