Davao City – Bisan sa giatubang nga hulga sa COVID-19 sa walay pagduha-duha, daling gitabang sa usa ka doktor ang inahang nakaanak sulod sa taxi sa may Sandawa ning syudad ug miani kini og pagdayeg sa mga netizens.
Sa interbyu sa RMN Davao kang Dr. Jalil Ken Dayo, 911 Emergency Medical Dispatch(EMD) and Telemedicine duty EMED doctor, peligroso alang sa mag-inahan ang pagpanganak sa pampublikong sakyanan busa kinahanglan kining gilayong respondehan.
“Nalipay ko sa ilahang praises but mali ang atoang gibuhat ato kay dapat in any situation or any case dapat naka-ful PPE gyod ta kung mu-respond, pasensya kami diri sa 911 Teleconsult lang dapat mi, so wala mi nag-expect pero akoang gina-think man gud basi’g madisgrasya ang baby. Ang gibuhat nako naka-face mask naman ko ug face shield ug gi-assist na nako sila. Nag-disinfect dayon mi afterwards,” sumala ni Dayo.
Sumala ni Dayo base sa iyahang physical examination sa baby girl ug inahan parehong anaa kini sila sa maayong kondisyon ug gidala kini sa Southern Philippines Medical Center (SPMC).
Gitataw sa doktor nga dili emergency ang pagpanganak gawas nalang kung aduna kiniy mga sakit.
Giawhag niini ang mga buntis, mga inahan ug kababainhan nga magpa-prenatal ug kanunayon ang pagpakonsulta sa mga OBGyne o sa Health centers.
RadyoMaN Aimee Guinita
