Ginaremind sang pamunuan sang Department of Labor and Employment ukon DOLE 12 ang mga employer sa pribado nga kumpanya sa rehiyon angot sa Labor Advisory #3- 2021 nga wala ginapasugtan ang mga establishemento nga magpatuman sang “No vaccine, No work policy.”
Samtang, ginkumpirmar ni DOLE 12 Information Officer Christopher Gamboa nga wala pa man sang nabaton nga reklamo ang ahensya halin sa mga empleyado sa pribado nga kumpanya nga wala ginapasulod sa trabaho tungod wala nabakunahan.
Ginhatagan punto ni Gamboa nga imposible mapatuman sa rehiyon ang “No vaccine, No work policy” tungod wala pa ang vaccination sa A4 priority groups nga nalakip ang mga empleyado.
Apang ginahangkat nya ang mga empleyado nga kon ang kumpanya ang nagapatuman sang No vaccine, No work policy ang magreport lang sa pinakamalapit nga DOLE Office sa lugar.
